Ang simula ng wakas.


Paano nga ba natapos kung wala naman simula?Bakit naubos ang bawat salita?Saan ko nga ba sisimulan ang kwentong tinapos na?

Alam ko kung saan ako lulugar sa buhay mo. Abot tanaw, abot kamay pero hindi pwedeng manatili sa tabi mo. Hindi pwedeng sabihin ang mga katagang “Mahal kita” dahil kung sa iba ito ang simula, sa kwento natin ito ang magwawakas.

Tikom ang bibig, pigilan ang puso. Mga paalalang ulit ulit na tumatakbo sa isip ko tuwing ikaw ang kasama ko.

Gusto kong simulan ang umaga na ikaw ang kasama pero bago matapos ang gabi ramdam ko na walang pag-asa. 

Ito na nga ata ang wakas ng sinimulan ko. Sasambitin ang mga katagang tatapos sa kwento ng ikaw at ako. Mahal kita, yan ang totoo.